తెలంగాణ ఉప ముఖ్యమంత్రి రాజయ్య బర్తరఫ్

తెలంగాణ రాష్ట్ర రాజకీయాలలో సంచలనం జరిగింది. రాష్ట్ర ఉప ముఖ్యమంత్రి, వైద్య ఆరోగ్య శాఖ మంత్రి తాటి రాజయ్యను రాష్ట్ర ముఖ్యమంత్రి కేసీఆర్ మంత్రివర్గం నుంచి బర్తరఫ్ చేశారు. కొద్ది రోజుల క్రితం రాజయ్య వివిధ పదవుల్లో నియమించిన వారిని తొలగించిన కేసీఆర్ ఇప్పుడు ఆయన్నే పదవి నుంచి తొలగించారు. రాజయ్య తన పేషీలో వున్న వారికి తొలగించి, తెలియక పొరపాట్లు చేశానని, ఇకముందు బుద్ధిగా వుంటానని కేసీఆర్‌కి లేఖ రాసినా ఆయన మీద వేటు పడక తప్పలేదు. రాజయ్యను మంత్రివర్గం నుంచి బర్తరఫ్ చేసిన విషయాన్ని కేసీఆర్ గవర్నర్‌కి తెలిపారు. గవర్నర్ నరసింహన్ ముఖ్యమంత్రి నిర్ణయాన్ని ఆమోదించారు.