తాజ్ మహల్ ను పేల్చేస్తాం...

ఉత్తరప్రదేశ్ ఆగ్రాలో ఉన్న తాజ్ మహల్ వద్ద భారీ బందోబస్తు ఏర్పాటు చేశారు. తాజ్ మహల్ ను పేల్చి పారేస్తామంటూ బెదిరింపులు వచ్చిన నేపథ్యంలో అక్కడ భద్రతను కట్టుదిట్టం చేశారు. ఉగ్ర‌వాదులు తాజ్‌మ‌హ‌ల్‌ను టార్గెట్ చేసిన‌ట్లు ఓ వెబ్‌సైట్‌లో వార్త రావ‌డంతో.. ప్ర‌త్యేక ద‌ళాలు ఆ మాన్యుమెంట్ చుట్టూ ప‌హారా కాశాయి.  ప్ర‌త్యేక పోలీసు బ‌ల‌గాల‌ను మోహ‌రించామ‌ని, తాజ్‌మ‌హ‌ల్ టూరిస్టుల‌పైన కూడా ప్ర‌త్యేక నిఘా పెట్టిన‌ట్లు ఎస్పీ ప్రీతింద‌ర్ సింగ్ చెప్పారు. కాగా ప్ర‌తి ఏడాది సుమారు 60 ల‌క్ష‌ల మంది ప‌ర్యాట‌కులు తాజ్‌మ‌హ‌ల్‌ను చూసేందుకు వ‌స్తుంటారు.