సెంట్రల్ బ్యూర్ ఆఫ్ ఇన్వెస్టిగేషన్ (సీబీఐ) నూతన డైరెక్టర్‌గా అనిల్ సిన్హా నియమితులయ్యారు. ప్రధాన మంత్రి కార్యాలయం (పీఎంఓ) మంగళవారం రాత్రి పొద్దుపోయిన తర్వాత ఈ మేరకు ఉత్తర్వులు జారీ చేసింది. అనిల్ సిన్హా 1979 ఐపీఎస్ బ్యాచ్‌కి, బీహార్ కేడర్‌కి చెందిన సీనియర్ పోలీసు అధికారి. ప్రస్తుత సీబీఐ డైరెక్టర్‌గా కొనసాగిన రంజిత్ సిన్హా మంగళవారం పదవీ విరమణ చేయడంతో ఆ స్థానంలో అనిల్ సిన్హా ఎంపికయ్యారు. ప్రధాని నరేంద్ర మోడీ, సుప్రీంకోర్టు ఛీఫ్ జస్టిస్ హెచ్ఎల్ దత్తు, లోక్ సభలో కాంగ్రెస్ పార్టీ నేత మల్లికార్జున ఖర్గేలతో కూడిన లోక్‌పాల్ ఎంపిక కమిటీ మంగళవారం ప్రధాని అధికారిక నివాసంలో భేటీ అయ్యారు. ఆ తర్వాత సీబీఐ డైరెక్టర్‌గా అనిల్ సిన్హా పేరును నరేంద్రమోడీ ఖరారు చేశారు. మంగళవారం వరకు ఢిల్లీ సీబీఐ స్పెషల్ డైరెక్టర్‌గా పనిచేసిన సిన్హా బుధవారం నుంచి సీబీఐ డైరెక్టర్‌గా రెండు సంవత్సరాల పాటు సేవలను అందిస్తారు.
.webp)
.webp)
.webp)
.webp)
