వరుస ఓటములు..అయినా ఆదాయంలో టాప్..!

సెరెనా విలియమ్స్..ఒకప్పుడు టెన్నిస్ ప్రపంచాన్ని ఏలిన ఈ నల్లకలువకు ప్రజంట్ లక్ కలిసి రావడం లేదు. వరుసగా రెండు గ్రాండ్ స్లామ్స్ ఫైనల్‌కు చేరినా టైటిల్ వేటలో చతికిలబడింది. 2015లో వరుసగా మూడు గ్రాండ్ స్లామ్‌లు గెలవగా..ఈ ఏడాదికొచ్చేసరికి రెండు టైటిల్స్‌కు అడుగుదూరంలో నిలిచిపోయి రన్నరప్‌గా సరిపెట్టుకుంది. అయితే ఆటలో వెనుకబాడినా..ఆదాయంలో మాత్రం సెరెనా అగ్రస్థానానికి ఎగబాకింది. తాజాగా ఫోర్బ్స్ వెల్లడించిన అత్యధిక క్రీడాకారిణుల లిస్ట్‌లో సెరెనా ప్రథమ స్థానంలో నిలిచింది. ఈ ఏడాది ప్రైజ్ మనీ, వాణిజ్య ప్రకటనల ద్వారా 28.9 మిలియన్ డాలర్లు(మన కరెన్సీలో రూ.192 కోట్లు)తో అగ్రస్థానాన్ని అక్రమించి అత్యథిక సంపాదన కలిగిన మహిళా అథ్లెట్‌గా నిలిచింది. దీంతో వరుసగా 11 సంవత్సరాల నుంచి అగ్రస్థానంలో కొనసాగుతున్న రష్యన్ భామ మరియా షరపోవా కిందకు దిగజారింది. డోపింగ్ టెస్ట్‌లో అడ్డంగా బుక్కవ్వడంతో షరపోవా కెరీర్ ప్రశ్నార్ధకంగా మారింది.