ఎం.ఎస్.నారాయణ అంత్యక్రియలు పూర్తి

శుక్రవారం మరణించిన ప్రముఖ హాస్య నటుడు ఎం.ఎస్.నారాయణ అంత్యక్రియలు శనివారం ఉదయం హైదరాబాద్‌లోని ఎర్రగడ్డ శ్మశాన వాటికలో పూర్తయ్యాయి. ఎం.ఎస్.నారాయణ అంత్యక్రియల్లో పలువురు సినీ ప్రముఖులు, అభిమానులు భారీ సంఖ్యలో పాల్గొని ఆయనకు కడసారి నివాళులు అర్పించారు. హైదరాబాద్‌లోని కిమ్స్ ఆస్పత్రిలో మరణించిన ఆయన భౌతిక కాయాన్ని శుక్రవారం మధ్యాహ్నం నుంచి ఫిలిం ఛాంబర్ ఆవరణలో వుంచారు. తెలుగు సినిమా రంగానికి పలువురు ప్రముఖులు ఎం.ఎస్.నారాయణ పార్థివ దేహాన్ని దర్శించి నివాళులు అర్పించారు. పలువురు నటీనటులు ఎం.ఎస్.నారాయణతో తమకున్న అనుబంధాన్ని గుర్తు చేసుకున్నారు.