లండన్‌లో భారీ అగ్నిప్రమాదం

గత నెలలో వెస్ట్ లండన్‌లోని గ్రెన్‌ఫెల్ టవర్‌లో జరిగిన భారీ అగ్నిప్రమాదంలో 70 మందికి పైగా ప్రాణాలు కోల్పోయిన విషాద ఘటన మరవకుండానే మరోసారి అచ్చం అలాంటి ఘటనే జరిగింది. నగరంలోని క్యామ్‌డెన్ లాక్ మార్కెట్‌లో నిన్నరాత్రి భారీ అగ్నిప్రమాదం సంభవించింది. రంగంలోకి దిగిన అగ్నిమాపక సిబ్బంది పది ఫైరింజిన్ల సాయంతో మంటలను అదుపు చేశారు. క్యామ్‌డెన్ మార్కెట్ లండన్‌లో ప్రముఖ పర్యాటక స్థలంగా ప్రసిద్ది చెందింది. ఈ ఘటనలో ఎవరికీ ఎలాంటి ప్రమాదం జరగలేదని..సమయానికి మంటలను అదుపు చేయడంతో పెను ప్రమాదం తప్పిందని..ఆలస్యమైతే పక్క భవనాలకు కూడా మంటలు వ్యాపించేవని చెప్పారు..