జేసీ ప్రభాకర్ రెడ్డిపై అట్రాసిటీ కేసు...

తాడిపత్రి టీడీపీ ఎమ్మెల్యే జేసీ ప్రభాకర్ రెడ్డిపై ఎస్సీ, ఎస్టీ అట్రాసిటీ కేసు నమోదైంది. కృష్ణ ప్రబోధ ఆశ్రమం ప్రతినిధి సూర్య మానవ హక్కుల సంఘానికి ఫిర్యాదు చేసిన నేపథ్యంలో కేసు నమోదైంది. తమ ఆశ్రమానికి ఇసుక తరలించేందుకు అధికారుల అనుమతి ఉన్నప్పటికీ ప్రభాకర్ రెడ్డి అడ్డుకున్నారని, తమ ఆశ్రమానికి నీటి సరఫరా కూడా నిలిపివేశారని, తమ ఆధ్యాత్మిక సంస్థపై కక్షపూరితంగా వ్యవహరిస్తున్నారని ఆయనపై ఆరోపించారు. ఈ నేపథ్యంలో అనంతపురం జిల్లాలోని పెద్దపప్పూరు పోలీస్ స్టేషన్ లో ప్రభాకర్ రెడ్డిపై ఎస్సీ, ఎస్టీ అట్రాసిటీ కేసును నమోదు చేశారు.