బంజారాహిల్స్‌ రోడ్ నెం.3లో ఘోర రోడ్డు ప్రమాదం

హైదరాబాద్ బంజారాహిల్స్‌ రోడ్ నెం.3లో ఓ కారు బీభత్సం సృష్టించింది. వేగంగా వచ్చిన కారు డివైడర్‌ను ఢీకొట్టి పల్టీలు కొట్టి పూర్తిగా తిరగబడిపోయింది. ఈ ఘటనలో ఫర్సత్ అలీ అనే యువకుడు అక్కడికక్కడే మరణించాడు. మరో వ్యక్తి తీవ్రంగా గాయపడ్డాడు..మృతుడు ఫర్సత్ ముఫకంజా కాలేజీలో చదువుతూ ఎమ్మెల్యేకాలనీలో నివాసం ఉంటున్నట్లు సమాచారం. నిత్యం రద్దీగా ఉండే రహదారి కావడంతో ప్రమాదం కారణంగా ట్రాఫిక్ జామ్ ఏర్పడింది. దీంతో వాహనదారులు తీవ్ర ఇబ్బందులు ఎదుర్కొన్నారు. చనిపోయిన వ్యక్తి బాగా ఇరుక్కుపోవడంతో బయటకు తీయడానికి పోలీసులు తీవ్రంగా శ్రమించాల్సి వచ్చింది.