హ్యూస్‌.. నిన్ను మిస్సయ్యాం.. మోడీ...

మెడకు బంతి తగలడంతో మరణించిన ప్రముఖ ఆస్ట్రేలియన్ క్రికెట్ క్రీడాకారుడు ఫిలిప్ హ్యూస్ అంత్యక్రియలు బుధవారం నాడు హ్యూస్ స్వస్థలం మాక్స్‌విల్లేలోని ఓ పాఠశాల ప్రాంగణంలో జరిగాయి. ఈ అంత్యక్రియల్లో ఆస్ట్రేలియా ప్రధానమంత్రి టోనీ అబాట్‌తోపాటు ఆస్ట్రేలియా క్రికెట్ జట్టు సభ్యులు, మాజీ క్రికెట్ ప్రముఖులతోపాటు ఇండియన్ క్రికెట్  కోచ్ రవిశాస్త్రి, జట్టు సభ్యులు విరాట్ కోహ్లీ, రోహిత్ శర్మ పాల్గొన్నారు. హ్యూస్ అంత్యక్రియల్లో పాల్గొన్న ఆస్ట్రేలియా క్రికెట్ జట్టు కెప్టెన్ మైఖేల్ క్లార్క్ తన ప్రాణ స్నేహితుడైన హ్యూస్ శవపేటికను మోశాడు. కొద్ది రోజుల క్రితం క్లార్క్ హ్యూస్ గురించి మాట్లాడుతూ భోరున విలపించిన విషయం తెలిసిందే. దివంగత ఫిలిప్ హ్యూస్ అంత్యక్రియల కార్యక్రమంలో బ్రియాన్ లారా, రిచర్డ్ హాడ్లీ, మార్క్ టేలర్, షేన్ వార్న్, మైక్ హస్సి, బ్రెట్ లీ, రికీ పాంటింగ్, మెక్ గ్రాత్, ఆడం గిల్ క్రిస్ట్ తదితరులు పాల్గొని హ్యూస్‌కి కన్నీటి వీడ్కోలు ఇచ్చారు. ఇదిలా వుండగా భారత ప్రధాని నరేంద్రమోడీ ట్విట్టర్లో స్పందిస్తూ ‘వి మిస్ యూ హ్యూస్’ అని ట్విట్ చేశారు.