రజనీ రాజకీయాల్లోకి రావడం కష్టమే...

తమిళనాడు రాజకీయాల్లో సూపర్‌ స్టార్‌ రజనీకాంత్ ఎంట్రీ పై ఎప్పుడూ ఏదో ఒక వార్త వస్తూనే ఉంటుంది. ఇప్పుడు తాజాగా మరోసారి పీసీసీ మాజీ అధ్యక్షుడు, కాంగ్రెస్‌ నేత ఈవీకేఎస్‌ ఎలంగోవన్‌ రజనీ పొలిటికల్ ఎంట్రీ గురించి మాట్లాడుతూ సంచలన వ్యాఖ్యలు చేశారు. మీడియా సమావేశంలో పాల్గొన్న ఆయనకు... రజనీ రాజకీయ ప్రవేశం గురించి అడుగగా... దానికి రజనీ ఇప్పుడు రాజకీయాల్లోకి ప్రవేశించడం కష్టమేనని ఆయన అభిప్రాయపడ్డారు. '20 ఏళ్ల కిందట రజనీ రాజకీయాల్లోకి అడుగుపెట్టి ఉంటే బాగుండేది. కానీ ఇప్పుడు అది కష్టమే' అని అన్నారు. అంతేకాదు రజనీ రాజకీయాల్లోకి రావడం అసాధ్యమని నేను అన్నట్టు చెప్పకండి. నేను కేవలం కష్టమే అంటున్నా' అని వివరణ కూడా ఇచ్చారు.