నర్సుల డాన్సు అదరహో

చైనాలోని టియాంజిన్‌లో వున్న వైద్య కళాశాలలో నర్సింగ్ కోర్సు చేస్తున్న అమ్మాయిలందరూ సోమవారం ఉదయం సడెన్‌గా కళాశాల మైదానంలోకి వచ్చారు. ఒకరు ఇద్దరు కాదు... వెయ్యి మందికి పైగా నర్సింగ్ విద్యార్థినులు మైదానంలోకి వచ్చేసి డాన్స్ చేయడం ప్రారంభించారు. ఆకుపచ్చని మైదానంలో మల్లెపువ్వు లాంటి తెల్లటి యూనీఫామ్‌లో వున్న నర్సులు లయబద్ధంగా డాన్స్ చేస్తుంటే చూసేవాళ్ళకి రెండు కళ్ళు చాలవేమోనని అనిపించిందట. ఇంతకీ ఈ నర్సమ్మలు ఎందుకిలా డాన్స్ చేశారంటే... దానివెనుక ఒక మంచి కారణం కూడా వుంది. ఒక సమాజ సేవా కార్యక్రమం కోసం నిధులు సేకరించడం కోసం వీరంతా ఇలా నృత్యం చేశారు.