బెంగుళూర్ యువతిపై వేధింపులు.... న‌లుగురు అరెస్ట్..

బెంగుళూర్లో  ఓ యువ‌తిని ఇద్దరు వ్యక్తులు వేధిస్తున్నట్టు వీడియో బయటకు వచ్చిన సంగతి తెలిసిందే. ఇప్పుడు ఆ కేసులో నలుగురు నిందితులను పోలీసులు అరెస్ట్ చేశారు. వివరాల ప్రకారం.. డిసెంబర్ 31న బెంగుళూర్లోని క‌మ్మ‌న‌హ‌ల్లి ప్రాంతంలో రాత్రి  ఓ అమ్మాయి నడుచుకుంటూ వెళుతుండగా బైక్‌పై వ‌చ్చిన ఇద్ద‌రు అబ్బాయిలు ఆమెపై లైంగికంగా దాడి చేశారు. ఈ వ్యవహారమంతా అక్క‌డ ఒక ఇంట్లో ఉన్న సీసీటీవీకి చిక్కడంతో విషయం బయటకు వచ్చింది. ఇక దీనిపై దర్యాప్తు చేసిన పోలీసులు ఇవాళ న‌లుగుర్ని అరెస్టు చేశారు. ప్ర‌ధాన నిందితులు లీనో, అయ్య‌ప్ప‌ల‌తో పాటు... మ‌రో ఇద్ద‌రు నిందితులు రాజు, చిన్నూల‌ను కూడా అదుపులోకి తీసుకున్నారు. ఈ న‌లుగురూ క‌మ్మ‌న్‌హ‌ల్లిలోని ఫ్రేజ‌ర్ టౌన్‌లో నివాసం ఉంటున్నారు.