బాబాకి బిగ్‌బీ సంతాపం

ముంబై: సత్యసాయి మరణంతో తాను తీవ్ర దుఖానికి లోనయ్యానని అమితాబ్ ట్విట్టర్‌లో తెలిపారు. కూలీ షూటింగ్ సమయంలో ప్రమాదం నుంచి బయటపడిన తర్వాత బాబాను దర్శించుకున్నానని ఆయన గుర్తు చేసుకున్నారు. కూలీ షూటింగ్‌లో గాయపడి చావు బతుకుల మధ్య పోరాడుతున్నపుడు బాబా విభూతిని పంపించారని.. బాబా పంపిన విభూతిని తన నాలుకపై పెట్టారని ఆయన తెలిపారు. ఆతర్వాత చెన్నైకి సమీపంలోని బాబా ఆశ్రమంలో తాను కలిశానని.. అక్కడ బాబా తనను ఆశ్వీరదించి గాలి నుంచి విభూతిని సృష్టించి ఇచ్చారని బిగ్‌బీ గుర్తు చేసుకున్నారు. ఆయన జీవితకాలంలో పేదప్రజల కోసం ఎంతగానో శ్రమించారని.. ఎన్నో అస్పత్రులు, విద్యాసంస్థలు కట్టించారని .. అందుకే బాబాకు లక్షలాది మంది భక్తులుగా మారారని అన్నారు.