చోటా షకీల్ లిస్ట్ లో స్వామి చక్రపాణి కూడా..

మాఫియా డాన్  చోటా రాజన్ ను మట్టుబెట్టే కేసులో దావూద్ ఇబ్రహీం అనుచరుడు చోటా షకీల్ ఇప్పటికే అరెస్ట్ అయిన సంగతి తెలిసిందే. ఇతనితో పాటు తాను రంగంలోకి దించిన నలుగురు కిల్లర్లను కూడా పోలీసులు అరెస్ట్ చేశారు. అయితే ఇప్పుడు మరో ఆసక్తికర విషయం బయటపడింది. చోటా షకిల్ లిస్ట్ లో ఒక్క చోటా రాజన్ మాత్రమే లేడని.. హిందూ మహాసభ అధ్యక్షుడు స్వామి చక్రపాణి కూడా ఉన్నట్టు తెలుస్తోంది. చక్రపాణి.. దావూద్ ఇబ్రహీం ఆస్తుల వేలంలో ఆయన కారును కొనుగోలు చేసి దానిపై పెట్రోల్ పోసి తగలబెట్టినందుకు గాను చక్రపాణిని కూడా చంపేయాలని చోటా షకీల్ ఆ కిల్లర్లకు ఆదేశాలు జారీ చేశాడట. మరి ఇంకా ఎంతమంది చోటా షకిల్ లిస్టులో ఉన్నారో..