సన్నబడితేనే ఉద్యోగాలు.. లేదంటే తీసేస్తాం..

సాధారణంగా సినిమా హీరోయిన్లు నిరంతరం ఎక్సరసైజ్లు చేస్తూ తమ బాడీ మెయింటెన్ చేస్తూ ఉంటారు. ఎందుకంటే వారు సన్నగా నాజుగ్గా ఉంటేనే ఆఫర్లు వస్తాయి. ఇప్పుడు ఈప్రభావం ఉద్యోగాలపై కూడా పడినట్టుంది. సన్నబడితేనే ఉద్యోగంలో ఉంచుతాం.. లేదంటే తీసేస్తాం అంటూ  వార్నింగ్ ఇచ్చింది ఓ సంస్థ. ఇంతకీ ఆ సంస్థ ఏదనుకుంటున్నారా.. ఎయిర్ ఇండియా.. వివరాల ప్రకారం.. ఎయిర్‌ఇండియా సిబ్బందిలోని 2,800 మందిలో దాదాపు 150 మంది వూబకాయులు ఉన్నట్లు ఏఐ గుర్తించి ఆర్నెళ్లు సమయం ఇచ్చి ఆలోపు సన్నబడితే ఉద్యోగాలు ఉంటాయని.. లేకపోతే తీసేస్తామని ప్రకటించింది. దీనికి సంబంధించిన ఆదేశాలు.. ఏఐ సీనియర్‌ మేనేజర్‌ జారీ చేశారు. మహిళలు బీఎంఐ 25 నుంచి 27లోపు, పురుషులు 27 నుంచి 30లోపు ఉండాలని.. అంతకంటే ఎక్కువ ఉన్న వారు తగ్గకపోతే విమానాల్లోకి అనుమతించమని తేల్చి చెప్పింది. కాగా గతంలో కూడా ఎయిర్ ఇండియా ఇలానే చేసింది. కానీ సిబ్బంది కొరత కారణంగా 15రోజుల్లో మళ్లీ వారిని తీసుకున్నారు.