సల్మాన్ ఖాన్ కేసు క్లోజ్?

సెషన్స్ కోర్టులో దోషిగా నిరూపించబడి ఐదేళ్ళ జైలు శిక్ష విధింపబడిన బాలివుడ్ నటుడు సల్మాన్ ఖాన్ కి ముంబై హైకోర్టు ఆ శిక్ష అమలుచేయకుండా నిలిపివేసి బెయిలు కూడా మంజూరు చేసింది. వేసవి శలవుల తరువాత కోర్టు మళ్ళీ పనిచేయడం ఆరంభించినప్పుడు ఆ కేసు విచారణ చేపడుతుంది. మహారాష్ట్ర ప్రభుత్వం గత పదమూడేళ్ళుగా చేసిన సుదీర్ఘ న్యాయ పోరాటం వలననే సల్మాన్ ఖాన్ కి శిక్ష పడింది. కనుక హైకోర్టు ఇప్పుడు అతనికి వేసిన ఆ శిక్షను నిలిపివేసినప్పుడు మహారాష్ట్ర ప్రభుత్వం సుప్రీం కోర్టులో అప్పీలుకి వెళుతుందని అందరూ భావించడం సహజం. కానీ ప్రభుత్వానికి అటువంటి ఆలోచన ఏమీ లేనట్లు తెలుస్తోంది. అంటే ఇక సల్మాన్ ఖాన్ కేసు క్లోజ్ అయిపోయినట్లే భావించవచ్చునేమో? కానీ మహారాష్ట్ర ప్రభుత్వం ఆ పని చేయకున్నా ఇతరులు ఎవరో ఒకరు తప్పకుండా సుప్రీం కోర్టుకి వెళితే అతనికి సమస్యలు తప్పక పోవచ్చును.