విల‌క్ష‌ణ న‌టుడు మోహ‌న్‌బాబు ఇంటికి దౌర్జ‌న్యంగా వ‌చ్చి మిమ్మ‌ల్ని వ‌ద‌ల‌మంటూ బెదిరించి వెళ్లిన ఆగంతకుల‌ను పోలీసులు అదుపులోకి తీసుకున్నారు. శ‌నివారం రాత్రి ఏపీ 31 ఏఎన్ 0004 నంబ‌ర్ ఉన్న ఇన్నోవా కారు హైద‌రాబాద్ శివారు జిల్ప‌ల్లిలోని మోహ‌న్‌బాబు ఇంటి వ‌ద్ద‌కు దూసుకు వ‌చ్చింది. అందులోని ఆగంతకులు గేటు తీసుకొని లోప‌లికి వెళ్లి మిమ్మ‌ల్ని వ‌ద‌ల‌మంటూ బెదిరించార‌ని స‌మాచారం. దీంతో ఆందోళ‌న చెందిన మోహ‌న్‌బాబు కుటుంబ స‌భ్యులు ఈ ఉదంతంపై ప‌హాడీ ష‌రీఫ్ పోలీస్ స్టేష‌న్‌లో ఫిర్యాదు చేశారు.

కేసు న‌మోదు చేసుకున్న పోలీసులు అక్క‌డి సీసీ కెమెరాలు, కారు నంబ‌ర్ ఆధారంగా ఆగంతుల‌కు ప‌ట్టుకొని అదుపులోకి తీసుకున్నారు. మోహ‌న్‌బాబు ఇంటికి వ‌చ్చి బెదిరించిన‌వాళ్ల‌ను మైలార్‌దేవ్‌ప‌ల్లిలోని దుర్గాన‌గ‌ర్‌కు చెందిన యువ‌కులుగా పోలీసులు గుర్తించారు. ప్ర‌స్తుతం పోలీసుల అదుపులో న‌లుగురు యువ‌కులున్నారు. ఈ కేసుపై ద‌ర్యాప్తు జ‌రుపుతున్న పోలీసులు ఆగంతకుల కాల్ డేటాను ప‌రిశీలిస్తున్నారు. వాళ్లు ఆక‌తాయిత‌నంతో కావాల‌ని ఈ చ‌ర్య‌కు పాల్ప‌డ్డారా, లేక ఎవ‌రి ప్రోద్బ‌లంతోనైనా ఈ ప‌ని చేశారా.. అనే కోణంలో విచార‌ణ జ‌రుపుతున్నారు.