 |
 |
మ‌హ‌బూబ్‌న‌గ‌ర్ జిల్లా ఆత్మ‌కూరులో ఒకే కుటుంబానికి చెందిన ముగ్గురు అనాథ పిల్ల‌ల‌ను స్టార్ ప్రొడ్యూస‌ర్ దిల్ రాజుకు చెందిన మా ప‌ల్లె చారిట‌బుల్ ట్ర‌స్ట్ ద్వారా చేర‌దీసింది. తండ్రి చ‌నిపోయిన కొంత కాలానికే త‌ల్లి కూడా మ‌ర‌ణించ‌డంతో ఆ పిల్ల‌లు అనాథ‌ల‌య్యారు. మ‌నోహ‌ర్‌, లాస్య, య‌శ్వంత్ అనే ఆ ముగ్గురిని త‌మ కుటుంబంలోకి ఆనందంగా ఆహ్వానిస్తున్నామ‌ని ఆదివారం వెలువ‌రించిన ఒక ప్ర‌క‌ట‌న‌లో దిల్ రాజు తెలిపారు.
చిన్న‌త‌నంలోనే త‌ల్లిదండ్రుల‌ను కోల్పోవ‌డం అత్యంత ద‌య‌నీయ‌మైన విష‌య‌మ‌నీ, ఇప్ప‌టి నుంచీ వారి బాగోగులు చూసుకోనుండ‌టం త‌న‌కు ఆనందాన్ని క‌లిగిస్తోంద‌నీ ఆయ‌న అన్నారు. ఆ పిల్ల‌ల విష‌యాల్ని త‌న దృష్టికి తీసుకొని వ‌చ్చి, వారికి ఏమైనా సాయం చేయ‌మ‌ని సూచించిన మంత్రి ఎర్ర‌బెల్లి ద‌యాక‌ర్‌రావుకు ఈ సంద‌ర్భంగా ఆయ‌న కృత‌జ్ఞ‌త‌లు తెలిపారు. ఆ పిల్ల‌ల జీవితాల్లో మార్పు తీసుకువ‌చ్చే అవ‌కాశం ల‌భించ‌డం త‌న‌కు ఆనందాన్ని క‌లిగించే విష‌య‌మ‌న్నారు. 2018లో త‌మ కుటుంబం ప్రారంభించిన మా ప‌ల్లె చారిట‌బుల్ ట్ర‌స్ట్ ద్వారా ఆ పిల్ల‌ల ఆల‌నా పాల‌నా చూసుకుంటామ‌ని రాజు చెప్పారు.
|
|
