టాలీవుడ్‌లో ప్రస్తుతం ఎక్కడ చూసినా ‘మా ఇంటి బంగారం' గురించే చర్చ నడుస్తోంది. స్టార్ హీరోయిన్ సమంత దాదాపు మూడు సంవత్సరాల తర్వాత వెండితెరపైకి రీఎంట్రీ ఇస్తూ నటించిన ఈ క్లీన్ ఫ్యామిలీ ఎంటర్‌టైనర్ బాక్సాఫీస్ వద్ద కాసుల వర్షం కురిపిస్తోంది. ప్రస్తుతం 70 కోట్ల క్లబ్ ని దాటి లేడీ ఓరియెంటెడ్ చిత్రాల్లో నయా సంచలనం సృష్టిస్తుంది. మరోవైపు ఈ చిత్రంలోని క్యారెక్టర్స్ ప్రేక్షకులకి బాగా   కనెక్ట్ అవుతున్నాయి. ముఖ్యంగా సమంతకి  బెస్ట్ ఫ్రెండ్ కిరణ్మయి రోల్ పోషించిన    మంజూష ముక్కామల తనదైన యాక్టింగ్, కామెడీ టైమింగ్‌తో థియేటర్లలో నవ్వుల పువ్వులు పూయిస్తోంది.

 ఇన్‌స్టాగ్రామ్‌లో సీనియర్ నటి సూర్యకాంతం గారిని ఇమిటేట్ చేస్తూ రీల్స్ ద్వారా విపరీతమైన పాపులారిటీ తెచ్చుకున్న మంజూషకి మా ఇంటి బంగారం ఫస్ట్ మూవీ. దర్శకురాలు నందినీ రెడ్డి సోషల్ మీడియాలో మంజూష చేసిన రీల్స్ చూసి ముచ్చటపడి, ఆడిషన్స్ కోసం పిలిచారట. ఒకసారి కాదు, రెండు సార్లు కాదు.. ఏకంగా మూడు సార్లు కఠినమైన ఆడిషన్స్ నిర్వహించిన తర్వాతే సమంత పక్కన కిరణ్మయి క్యారక్టర్ కి ఎంపిక చేశారు. మొదటి రోజే స్టార్ హీరోయిన్ సమంతతో షూటింగ్ అనగానే మంజూష ఎంతో భయపడిందట. అంత పెద్ద స్టార్‌తో కలిసి నటించడం, అదీ కెమెరా ముందుకు తొలిసారి రావడం అంటే సాధారణ విషయం కాదు. కానీ సమంత ఇచ్చిన ప్రోత్సాహం, చూపించిన చొరవ వల్ల ఆ భయమంతా పోయిందని మా తెలుగు వన్ కి ఇచ్చిన తాజా ఇంటర్వ్యూలో తెలిపింది.

also read: Awarapan 2: 19 ఏళ్ళ తర్వాత వస్తున్న కల్ట్ క్లాసిక్ సీక్వెల్ 

 'లెట్స్ కమాన్’ అంటూ అమాయకంగా కనిపిస్తూనే, మరోవైపు గడుసుతనం ప్రదర్శించే మంజూష రోల్ కి  థియేటర్లలో ఆడియన్స్ నుంచి అద్భుతమైన రెస్పాన్స్ వస్తోంది.  ఇంతటి భారీ సంచలన చిత్రంలో భాగం కావడం తన అదృష్టమని మంజూష మురిసిపోతోంది. నందినీ రెడ్డి గారు తనపై ఉంచిన నమ్మకాన్ని వంద శాతం నిలబెట్టుకున్నానని, ప్రేక్షకులు రోడ్డుపై కనిపిస్తే గుర్తుపట్టి అభినందిస్తుంటే ఆ ఆనందం మాటల్లో చెప్పలేనని ఈ సరికొత్త టాలెంట్ ఎంతో భావోద్వేగానికి లోనైంది. మాన్ ఆఫ్ మాసెస్ ఎన్టీఆర్ తో స్క్రీన్ షేర్ చేసుకోవాలనేది నా డ్రీమ్ అని, సీనియర్ నటీమణి  రమ్యకృష్ణ గారంటే పిచ్చి అని మంజూష తెలిపింది. రాబోయే రోజుల్లో తెలుగు చిత్రసీమలో మంజూషకి  మరిన్ని మంచి అవకాశాలు రావడం ఖాయం.