రవితేజ(ravi teja)హీరోగా 2022 లో వచ్చిన ఖిలాడీ మూవీ ద్వారా తెలుగు ప్రేక్షకులకి పరిచయమైన నార్త్ ఇండియన్  భామ మీనాక్షి చౌదర(meenakshi chaudhary)ఆ తర్వాత హిట్ ది సెకండ్ కేస్, గుంటూరు కారం వంటి క్రేజ్ ఉన్న సినిమాల్లో చేసి నటిగా  మంచి పేరునే సంపాదించింది. రీసెంట్ గా విజయ్ తో ది గ్రేటెస్ట్ ఆఫ్ ఆల్ టైం తో జత కట్టింది. 

చాలా రోజుల నుంచి  చిరు(chiranjeevi)అప్ కమింగ్ మూవీ విశ్వంభర(vishwambhara)లో మీనాక్షి కూడా చెయ్యబోతుందని, అది కూడా ఒక  అద్భుతమైన పాత్రలో కనిపించబోతుందనే వార్తలు కొన్ని రోజుల నుంచి సినీ సర్కిల్స్ లో వినిపిస్తూ ఉన్నాయి.ఇప్పుడు ఆ వార్తలపై మీనాక్షి వివరణ ఇచ్చింది.నేను  విశ్వంభర లో చేయడంలేదు. అలాంటిది నేను చేస్తున్నట్టుగా వార్తలు ఎందుకు వస్తున్నాయో అర్థం కావడం లేదు. ఏదైనా సినిమా ఒప్పుకుంటే నేనే  స్వయంగా ప్రకటిస్తానని  కుండ బద్దలు కొట్టినట్టు చెప్పింది.విశ్వంభర లో త్రిషతో పాటు అషికా రంగనాథ్ లు హీరోయిన్లుగా  చేస్తున్న విషయం తెలిసిందే. మరి కొంత మంది హీరోయిన్లు కూడా చెయ్యబోతున్నారు.

ఇక మీనాక్షి నటించిన లక్కీ భాస్కర్ మూవీ ఈ నెల 31 న విడుదల కాబోతుంది.దుల్కర్ సల్మాన్ హీరోగా వస్తున్న ఈ మూవీ లో నటనకి అవకాశం ఉన్న పాత్రలో  కనపడబోతుంది. ట్రైలర్ లో ఈ విషయం చాలా స్పష్టంగా అర్ధం అవుతుంది. విశ్వక్ సేన్, వరుణ్ తేజ్ ల అప్  కమింగ్ మూవీస్ మెకానిక్ రాఖి,  మట్కా ల్లోనూ  మీనాక్షి చేయనుంది.