'చిత్రం' సినిమాలో 'కుక్క కావాలి' అంటూ చిన్న పిల్లోడు అడిగే సాంగ్ గుర్తుండే ఉంటుంది. ఇప్పుడు ఆ సాంగ్ ఎందుకు గుర్తుకొచ్చింది అంటారా?.. ఫ్యాన్స్ 'నిధి పాప' అని ముద్దుగా పిలుచుకునే 'నిధి అగర్వాల్' కూడా చిత్రం సినిమాలో ఆ పిల్లోడి లాగే కుక్క కావాలి అని అడుగుతుంది. ఎప్పుడూ సోషల్‌ మీడియాలో తన అందచందాలతో కనువిందు చేసే నిధి.. ఈసారి మాత్రం 'ఓ కుక్కపిల్ల మిస్ అయ్యింది. దాన్ని పట్టించిన వారికి లక్ష రూపాయలు బహుమానం' అంటూ పోస్ట్ పెట్టింది.

కోకో అనే పేరున్న కుక్క పిల్ల మిస్ అయినట్లు నిధి అగర్వాల్ ఇంస్టాగ్రామ్ లో స్టోరీ పెట్టింది. కోకో కనిపించినట్లైతే ఫొటోలో ఉన్న నంబర్లను సంప్రదించాలని సూచించింది. దాన్ని పట్టించిన వారికి లక్ష రూపాయలు బహుమానంగా ఇవ్వనున్నట్లు వెల్లడించింది. ప్రస్తుతం ఈ పోస్టు నెట్టింట వైరల్‌ గా మారింది.

ఇక నిధి కెరీర్‌ విషయానికి వస్తే.. ప్రస్తుతం ఆమె తెలుగు, తమిళంలో సినిమాలు చేస్తోంది. తెలుగులో పవర్‌ స్టార్‌ పవన్‌ కల్యాణ్‌ సరసన 'హరిహర వీరమల్లు'లో హీరోయిన్‌ గా నటిస్తోంది. అలాగే అశోక్‌ గల్లా హీరోగా నటిస్తున్న చిత్రంలోనూ కథానాయికగా కనువిందు చేయనుంది.