చెల్లెళ్లపై ఓ అన్నయ్యకు ఉన్న ప్రేమను చాటిచెప్పే కథతో... అన్నా చెల్లెళ్ల మధ్య అనుబంధాలు, ఆప్యాయతలే ప్రధానాంశంగా రూపొందించబోయే చిత్రాన్ని ప్రకటించడానికి రాఖీ పౌర్ణమి కంటే మంచి రోజు మరొకటి ఉండదు. అందుకని అక్షయ్ కుమార్ ఈరోజు తన కొత్త సినిమా 'రక్షాబంధన్'ను ప్రకటించారు. ఈ చిత్రానికి ఆనంద్ ఎల్ రాయ్ దర్శకుడు.‌ హిమాన్షు శర్మ రచయిత. వచ్చే ఏడాది చిత్రీకరణ ప్రారంభిస్తారు. విడుదల కూడా వచ్చే ఏడాదే. నవంబర్ 5న విడుదల చేయనున్నట్లు ప్రకటించారు. ఈ రోజు సినిమా ఫస్ట్ లుక్ విడుదల చేశారు.

ప్రస్తుతం ఆనంద్ ఎల్ రాయ్ దర్శకత్వం వహిస్తున్న 'అతరంగి రే' సినిమాలో అక్షయ్ కుమార్ ప్రధాన పాత్ర ఒకటి పోషిస్తున్నారు. ఆ చిత్రానికి కూడా హిమాన్షు శర్మ రచయిత.‌ వాళ్లతోనే మరో సినిమా చేయడానికి అంగీకరించారు. 'తను వెడ్స్ మను', 'రాంఝనా', 'తను వెడ్స్ మను రిటర్న్స్, 'జీరో' చిత్రాలు దర్శకుడు ఆనంద్ ఎల్ రాయ్, రచయిత హిమాన్షు శర్మ ద్వయం నుంచి వచ్చినవే.