మెగాస్టార్ చిరంజీవి హీరోగా కొరటాల శివ దర్శకత్వంలో తెరకెక్కుతోన్న 'ఆచార్య'లో మాస్ మసాలా అంశాలు మస్తుగా ఉన్నాయని తెలుస్తోంది. యాక్షన్ దృశ్యాలు, ఫైట్లకు లోటు లేదట. కరోనా వల్ల షూటింగులకు బ్రేకులు పడిన సంగతి తెలిసిందే. మెగాస్టార్ 'ఆచార్య'కు మాత్రం ఇంటర్వెల్ ఫైట్‌కి బ్రేక్ పడిందని ఫైట్ మాస్టర్లు రామ్-లక్ష్మణ్ చెబుతున్నారు.

"చిరంజీవిగారి 'ఆచార్య'లో ఫస్ట్ హాఫ్‌లో వచ్చే ఫైట్స్ కంప్లీట్ చేశాం. ఇంటర్వెల్ ఫైట్ సీన్ చేసేటప్పుడు సినిమా షూటింగ్ ఆగింది. మళ్ళీ షూటింగులు మొదలైన తరవాత అది చేస్తాం" అని లేటెస్ట్ ఇంటర్వ్యూలో రామ్ లక్ష్మణ్ మాస్టర్లు చెప్పారు.

నటసింహం నందమూరి బాలకృష్ణ హీరోగా బోయపాటి శ్రీను దర్శకత్వంలో తెరకెక్కుతోన్న మూడో సినిమాలో ఫైట్ చేశామనీ, టీజర్లో వచ్చిన ప్రేక్షకులు అందులో కొంచెం చేశారనీ రామ్-లక్ష్మణ్ అన్నారు. తమిళంలో రజనీకాంత్ సినిమా, కన్నడలో మరికొన్ని సినిమాలు చేస్తున్నప్పటికీ... తమ తొలి ప్రాధాన్యం తెలుగు సినిమాలే అని స్పష్టం చేశారు. పవన్ కళ్యాణ్ హీరోగా క్రిష్ దర్శకత్వంలో తెరకెక్కుతున్న సినిమా, రవితేజ 'క్రాక్' సహా మరికొన్ని సినిమాలకు పని చేస్తున్నట్టు తెలిపారు.