గుప్పెడు మనసు

చినుకు రాలితే చిగురించిన ఆకుల్లా
మనసు తడికి హృదయమెుకటి కొత్తగా మెులుస్తుంటుంది
ఆవేదనొచ్చినపుడల్లా అత్తిపత్తిలా
ముడుచుకుపోతుంటుంది

మౌనంతోనే అనుక్షణం సంగమిస్తూ
నిరంతరం తలపులతో పురుడు పోసుకుంటూనే ఉంటుంది

పేరుకు గుప్పెడు మాంసపు ముద్దైనా
అంతులేని కలలు ..
కల్లలైన ఆ కలల కోసం కళ్ళలో జలపాతాలు ..

కొన్నిసార్లు ఎగిసి ఎగిసిపడుతున్న ఆశల కెరటాలను మోస్తూ
తీరం చేరని అలల ఆశయాల కోసం
ఆ గుప్పెడే సాగరమంతవుతుంటుంది

కొన్ని ఆటుపోట్లు కుదించివేస్తుంటే
కొన్ని మౌనాలు కలిచివేస్తుంటే
నాకు నేనే అంతుపట్టనంత
శూన్యమవుతుంటుంది

---- సరిత భూపతి