'శ్రీమంతుడిని' పొగిడిన వర్మ.. 'బాహుబలికి' కౌంటర్

రాంగోపాల్ వర్మ అంటేనే మనకు గుర్తొచ్చేది విమర్శలు. విమర్శలకు బ్రాండ్ అంబాసిడర్ మారిపోయాడు. కానీ అప్పుడప్పుడు పొగడ్తలు కూడా చేస్తుంటారు. కానీ ఒకరిని పొగిడేప్పుడు మరోకరిని విమర్శించకుండా ఉండలేరు. మొత్తానికి విమర్శించడం రాంగోపాల్ వర్మకు చాలా ఇష్టం. ఇంతకీ ఎవరిని ప్రసంశించారనే కదా మీ సందేహం. అదే తాజాగా విడుదలైన మహేష్ బాబు మూవీ ‘శ్రీమంతుడు' సినిమాను వర్మ ప్రశంసించారు. బాహుబలి లాంటి భారీ సినిమా తర్వాత వచ్చిన ‘శ్రీమంతుడు' సింపుల్ అండ్ ప్లేన్ మూవీ అని.. సినిమా విజయం సాధించే అవకాశం ఉందని పొగిడేశారు. పొగిడితే పొగిడారు కాని అటు బాహుబలికి కూడా కౌంటర్ ఇచ్చారు. వందల కోట్లతో వందలాది రోజులు షూటింగ్ చేస్తేనే కాదు... సింపుల్ స్టోరీతో కూడా ప్రేక్షకులని ఆకట్టుకోవచ్చని అది శ్రీమంతుడు సినిమా రుజువు చేసిందని వర్మ పేర్కొన్నారు. ప్రముఖ సినిమాటోగ్రాఫర్ విటోరియో స్టోరారో కూడా ఇదే చెప్పారని.. చార్మింగ్ ఉన్న నటుడు క్లోజప్ తో నటిస్తే అంతకంటే అద్భుతమైన విజువల్స్ ఏమీ అవసరం లేదని దానిని మహేష్ బాబు చక్కటి ఉదాహరణ అని ప్రశంసించారు.