ఊసరవెల్లి లాంటి స్మార్ట్ పెన్...

మనం ఎన్నో రకాల పెన్ పేర్లు వింటుంటా. కానీ ఇప్పుడు మార్కెట్ లోకి ఓ కొత్త స్మార్ట్ పెన్ రానుంది. దాని పేరు వింటేనే కొంచం వెరైటీగా ఉంది. మరి ఆ పెన్ పేరు ఎంటనుకుంటున్నారా..? ఊసరవెల్లి స్మార్ట్ పెన్ అంటా. అంటే ఈ పెన్ దగ్గర ఏదైనా రంగును ఉంచితే, అచ్చు గుద్దినట్టు అదే రంగులోకి మారిపోతుందన్నమాట. దీని పేరు 'స్క్రిబుల్ పెన్'. దీంతో అత్యంత సహజసిద్ధమైన రంగులను పెయింట్ చేసుకోవచ్చని దీన్ని తయారు చేసిన సంస్థ చెబుతోంది. స్క్రిబుల్ పెన్ లోని కలర్ సెన్సార్లు, ఓ రంగును స్కాన్ చేసి అదే రంగుతో పెయింట్ చేసుకునే కలర్ పెన్ గా మారిపోతుంది. బ్యాటరీ సాయంతో పనిచేసే ఈ పెన్ నుంచి వెలువడే రంగు నీళ్లు పడినా చెదిరిపోదట. మరి ఇది ఎప్పుడు మార్కెట్లోకి ఎప్పుడు వస్తుందో చూడాలి.