షూస్ పోయాయని కేసు పెట్టాడు

మనం కేసులు ఎప్పుడు పెడతాం? సాధారణంగా మన వస్తువులు ఏమైనా పోయినప్పుడో, దొంగలు పడినప్పుడో పలు రకాల సందర్భాలలో పెడతాం. కానీ ఇక్కడ ఓ వ్యక్తి తన చెప్పులు పోయాయని కేసు పెట్టాడు. వినడానికి కొంచెం ఆశ్చర్యంగా ఉన్నా ఈ విచిత్రమైన ఘటన ఢిల్లీలో జరిగింది. కాన్పూర్ కి చెందిన అన్షల్ అనే వ్యక్తి తన కుటుంబసభ్యులతో కలిసి ఢిల్లీలోని ప్రముఖ ఆలయమైన కల్కాజీ దేవాలయానికి వెళ్లాడు. అక్కడ ఆలయం బయట తన షూ ను కౌంటర్ లో విడిచి టోకెన్ తీసుకొని లోపలికి వెళ్లాడు. దర్శనం తరువాత తిరిగి వచ్చి చూసేసరికి తన షూ కనిపించలేదు. అంతే అతనికి ఒక్కసారిగా కోపం వచ్చి అసహనానికి గురయ్యి అక్కడ వున్నవారిపై చిర్రుబుర్రులాడాడు. తనవి ఎంతో బ్రాండ్ షూ అని, కొత్తగా కొన్నానని ఆవేదనకు గురై ఆలయ నిర్వాహకులపై పోలీసులకు ఫిర్యాదు చేశాడు. పోలీసులు కూడా ఎఫ్ఐఆర్ సిద్ధం చేశారు.