ఐపీఎల్ ఫిక్సింగ్ మొదలైంది

ఐపీఎల్ (ఇండియన్ ప్రీమియర్ లీగ్) మొదలవుతుందటే క్రికెట్ అభిమానులు ఎంత ఆసక్తికరంగా ఎదురుచూస్తారో తెలియదు కానీ, బుకీలు మాత్రం తప్పకుండా ఎదురుచూస్తారు. అసలు ఐపీఎల్ అంటేనే ఫిక్సింగ్ లా తయారయింది. ఎప్పటిలాగే ఈసారి కూడా ఐపీఎల్-8 సిరీస్ లో ఫిక్సింగ్ గోల మొదలైంది. శుక్రవారం రాజస్థాన్ రాయల్స్- కింగ్స్ ఎలెవన్ పంజాబ్ జట్ల మధ్య మ్యాచ్ జరగనుంది. ఈ నేపథ్యంలో రాజస్థాన్ జట్టుకు చెందిన ఆటగాడిని బుకీలు గత నెలలోనే సంప్రదించి ఫిక్సింగ్ కు చేయడానికి యత్నించిన ఘటన ఆలస్యంగా వెలుగుచూసింది. అయితే సదరు ఆటగాడు ఆ డబ్బును తిరస్కరించి విషయాన్ని బీసీసీఐ దృష్టికి తీసుకొచ్చాడు. దీనిపై ఆ క్రికెటర్ ను యాంటీ కరప్షన్,సెక్యూరిటీ యూనిట్ సభ్యులు విచారిస్తున్నారు. దీంతో ఐపీఎల్ ఆటగాళ్లు ఒక్కసారిగా ఉలిక్కిపడ్డారు.