స్టార్ హంట్ పెట్టిన వెంకీ

వెంకటేష్, మీనా ప్రధాన పాత్రలలో తెరకెక్కనున్న తాజా చిత్రం "దృశ్యం" ఇటీవలే ముహూర్త కార్యక్రమాలు జరుపుకుంది. శ్రీప్రియ దర్శకత్వం వహిస్తున్న ఈ చిత్రాన్ని సురేష్ ప్రొడక్షన్స్, రాజ్ కుమార్ థియేటర్స్ సంయుక్తంగా నిర్మిస్తున్నారు. అయితే ఈ చిత్రంలోని రెండు ముఖ్య పాత్రల కోసం స్టార్ హంట్ నిర్వహిస్తున్నారు. "అంజలి అనే పాత్ర కోసం 14-17 ఏళ్ల అమ్మాయి. అను అనే పాత్ర కోసం 8-12 ఏళ్ల అమ్మాయిని ఎంపిక చేయాలనుకుంటున్నాం. దానికోసమే ఈ స్టార్ హంట్. ఆసక్తి ఉన్నవారు drishyam.telugu@gmail.com కి ఫోటోలు మెయిల్ చేయవచ్చు" అని నిర్మాతలు తెలిపారు. ఇందులో నదియా ఓ కీలక పాత్రలో కనిపించనుంది.