తెలంగాణ పౌరులకు సిటిజన్ కార్డులు!

తెలంగాణ పౌరులకు ప్రత్యేకంగా సిటిజన్ కార్డులు ఇవ్వాలని తెలంగాణ ప్రభుత్వం భావిస్తోంది. ప్రభుత్వ పధకాల లబ్దిదారులను ఎంపిక చేయడం కోసం ఆగస్టులో సామాజిక ఆర్థిక స్థితిగతుల సర్వేను చేయించాలని తెలంగాణ ముఖ్యమంత్రి కేసీఆర్ నిర్ణయించారు. ఈ సర్వే వల్ల పథకాలు ఎవరికి అమలు చేయాలో తేలుతుందని కేసీఆర్ భావిస్తున్నారు. ఇళ్లు, రేషన్ కార్డులు లాంటి ప్రభుత్వ పధకాలలో భారీ స్థాయిలో అవినీతి జరుగుతున్న నేపధ్యంలో ఈ సర్వే ప్రజల సామాజిక , ఆర్ధిక స్థితిగతులను తెలుసుకోవడానికి ఉపయోగపడుతుందని కేసీఆర్ చెప్పారు. ఆ తర్వాత తెలంగాణ పౌరులకు పాస్‌పోర్టు తరహాలో తెలంగాణ సిటిజన్ కార్డులు ఇస్తామని, ఈ కార్డులు బహుళ ప్రయోజనకార్డులుగా ఉంటాయని కేసీఆర్ తెలిపారు.