సీఎంగారు చెప్పులు కొనుక్కోండి.. 364 రూపాయలు పంపిన ఇంజనీర్

ముఖ్యమంత్రి అంతటి హోదా కలిగిన వ్యక్తికి చెప్పులు కొనుక్కోవడం పెద్ద విషయమేం కాదు. అలాంటి ముఖ్యమంత్రికి చెప్పులు కొనుక్కోమని ఓ వ్యక్తి 364 రూపాయలు పంపించాడు. అసలు సంగతి ఏంటంటే.. రిపబ్లిక్ డే సందర్బంగా రాష్ట్రపతి ఇచ్చిన విందులో ఢిల్లీ ముఖ్యమంత్రి కేజ్రీవాల్ కూడా పాల్గొన్నారు. అయితే ఈవిందుకు ఆయన శాండల్ చెప్పులు ధరించారు. దీనికి గాను విశాఖపట్నానికి చెందిన మెకానికల్ ఇంజినీర్ సుమిత్ అనే వ్యక్తి ఢిల్లీ ముఖ్యమంత్రి కేజ్రీవాల్ ఒక జత బూట్లు కూడా కొనుక్కోలేని దుస్థితిలో ఉన్నారా.. అంటూ 364 రూపాయల డ్రాఫ్ట్ పంపారు. అంతేకాదు ఆయనకు లేఖ రాస్తూ.. ఒక రాష్ట్రపతి ఇచ్చిన విందుకు చెప్పులు ధరించుకొని వెళ్లడం దేశాన్ని చిన్న బుచ్చమే అని.. ఒక వేళ విశాఖ పట్నంలో జరిగే అంతర్జాతీయ ఫ్లీట్ ఫెస్టివల్ కు ఆహ్వానం కనుక అందితే.. తాను పంపిన డబ్బుతో బూట్లు కొనుక్కొని అవి వేసుకొని రావాలని కోరాడు.