ఏపీకి ప్రత్యేక హోదా ఇవ్వనట్టేనా!

ఆంధ్రరాష్టానికి ప్రత్యేక హోదా కల్పించడంపై ఎన్నో రోజుల నుండి చర్చలు జరుగుతున్నాయి. దీనిమీద ఒక పక్క ఏపీ ఎంపీలు కూడా పార్లమెంట్ లో ఆందోళనలు చేస్తున్నారు. ఇదిలా ఉండగా ఇప్పుడు ఈ విషయంపై కేంద్ర ప్రభుత్వం బాంబు పేల్చింది. కేంద్రమంత్రి ఇంద్రజిత్ సింగ్ ను ప్రత్యేక హోదా గురించి అడుగగా ఆయన చెప్పిన దాని బట్టి చూస్తే ఏపీకి ప్రత్యేక హోదా విషయం అనుమానంగానే ఉన్నట్టు తెలుస్తోంది. బీహార్‌కు స్పెషల్ ప్యాకేజీ మాత్రమే ఇచ్చామని.. ప్రత్యేక హోదా ఇవ్వలేదని.. ఏ రాష్ట్రానికి ప్రత్యేక హోదా ఇవ్వడం సాధ్యం కాదని చెప్పారు. అంటే ఆయన ఏపీకీ ప్రత్యేక హోదా లేదని ప్రత్యక్షంగా చెప్పనప్పటికీ పరోక్షంగా మాత్రం ఏపీకీ ప్రత్యేక హోదా వర్తించదని చెప్పినట్టు తెలుస్తోంది. అయితే, ఏ రాష్ట్రానికి అని చెప్పినప్పటికీ ఏపీకీ హామీ ఇచ్చినందు వల్ల దీనిపై వివరణ ఇవ్వాల్సి ఉంది.