'లెజెండ్' టైమ్ స్టార్ట్

'సింహ'లో ఒకవైపు చూడు అన్న బాలయ్య 'లెజెండ్'లో తన రెండు వైపు కూడా చూపించబోతున్నాడు. చాలా కాలంగా బాక్స్ ఆఫీసు వేటలో ఎంతో ఆకలిగా ఉన్న నటసింహం 'ప్లూటు జింక ముందు ఊదు..సింహం ముందు కాదు' అంటూ బరిలోకి దిగబోతున్నాడు. నిన్న విడుదలైన 'లెజెండ్' ట్రైలర్ లో బాలయ్య తన విశ్వరూపం చూపించాడు. పవర్ ఫుల్ డైలాగులతో నిండి వున్న ఈ ట్రైలర్ చూస్తే 'సింహం' ఈ సారి టాలీవుడ్ రికార్డులన్నిటిని మింగేయడం ఖాయంగా కనిపిస్తోంది. జగపతి బాబు లుక్ కూడా సింహానికి పోటీగా ఉండడం, దానికి దేవి శ్రీ ప్రసాద్ బ్యాక్ గ్రౌండ్ మ్యూజిక్ జతకావడంతో 'లెజెండ్' చరిత్రను తిరగరాస్తాడని నందమూరి అభిమానులు అంటున్నారు.