లోయలో పడిన మంత్రి కారు

కర్నాటక ఆరోగ్య శాఖ మంత్రి యు.టి. ఖాదర్ ప్రయాణిస్తున్న కారు సోమవారం నాడు కోల్‌కతా సమీపంలో ఒక లోయలో పడిపోయింది. మంత్రి, ఆయన సహాయకుడు ఆ కారులోనే ప్రయాణిస్తున్నారు. అదృష్టవశాత్తూ మంత్రి ఖాదర్, ఆయన సహాయకుడు స్వల్ప గాయాలతో బయటపడ్డారు. వేగంగా ప్రయాణిస్తున్న కారు అదుపు తప్పడంతో లోయలోకి దూసుకుపోయింది. డ్రైవర్‌కి తీవ్ర గాయాలు తగలడంతో ఆస్పత్రిలో చేర్పించారు. కోల్‌కతాలో జరిగిన ఒక వ్యక్తిగత కార్యక్రమంలో పాల్గొని బెంగుళూరుకు తిరిగి వస్తుండగా ఈ ప్రమాదం జరిగింది. ఈ ప్రమాదంలో కారు పూర్తిగా పాడైపోయింది. క్రేన్ సహాయంతో ఆ కారును బయటకి తీశారు.