వైద్య పరీక్షలకు వెళ్లిన యువతి... జాతకం చెప్పమన్న వైద్యులు

వైద్య పరీక్షలు చేయమంటే జాతకం చెప్పమని వేధించారట వైద్యులు. ఈ విచిత్రమైన సంఘటన ఎక్కడ జరిగిందనుకుంటున్నారా.. వివరాలు.. డాక్టర్ భాస్వతి భట్టాచార్య అనే యువతి వారణాసిలో బనారస్ యూనివర్శిటిలో ఆయుర్వేదంలో పీహెచ్డీ చేస్తుంది. అయితే ఆమెపై ఓ ఐదుగురు వ్యక్తులు లైంగిక దాడికి ప్రయత్నించారు. ఈ ఘటనపై ఆమె స్థానిక లంకా పోలీస్ స్టేషన్ లో ఫిర్యాదు చేయడానికి వెళ్లగా వారు చాలా నిర్లక్ష్యంగా వ్యవహరించి చివరగా ఎస్పీ జోక్యం చేసుకోగా కేసు నమోదు చేసుకున్నారు. ఇదిలా ఉండగా లైంగిక దాడులు జరిగిన మహిళలను మహిళా డాక్టర్ల సమక్షంలో వైద్య పరీక్షలు నిర్వహించాలన్న నిబంధనను కూడా పట్టించుకోకుండా, ఇద్దరు మగ డాక్టర్లను వైద్య పరీక్షలకు నిర్వహించారని బాధితురాలు వాపోయింది. అయితే వారు తను ఆయుర్వేదిక్ డాక్టర్ అని తెలియగానే తమ చేతులు చూపించి జాతకం చూడమని బలవంతం చేశారని ఆవేదన వ్యక్తం చేసింది. అంతేకాకుండా దాడి జరిగిన ప్రదేశానికి తీసుకెళ్లి ఘటన ఎలా జరిగిందో యాక్టింగ్ చేసి చూపించమని పోలీసు అధికారి వేధించాడని డాక్టర్ భట్టాచార్య చెప్పింది.