బిగ్ బాస్  సీజన్-8 జోరుగా సాగుతోంది. హౌస్ లో నామినేషన్ టాస్క్ లతో పాటు దీపావళి సంబరాలు కూడా జరిగాయి. దానికి సంబంధించిన ప్రోమోని తాజాగా విడుదల చేసారు. ఈ రోజు ఎంటర్‌టైన్మెంట్ కి లోటు లేదన్నట్టుగా ఈ ప్రోమో ఉంది. 

తాజాగా వచ్చిన ప్రోమో(Biggboss 8 Telugu promo) లో అసలేం ఉందంటే.. ముద్దు గారే యశోద అంటూ పాటని ఆలపించింది హరితేజ. ఇక ఆమెతో పాటు హౌస్ మేట్స్ అంతా భక్తిశ్రద్ధలతో పాటని అనుకరించారు. ఇక పూజ తర్వాత అందరికి బిగ్ బాస్ టాస్క్ ఇచ్చాడు.‌ కొన్ని గ్రూప్ లుగా సపరేట్ చేసి దీపావళికి సంబంధించిన కొన్ని డ్రాయింగ్ లని గీయమన్నాడు బిగ్ బాస్.‌ అందులో ఒక టీమ్ కృష్ణుడి బొమ్మగా గీసి కలర్స్ వేయగా, మరొక టీమ్ రాధ బొమ్మని గీసినట్టుగా తెలుస్తుంది.

నిన్న హౌస్ లో పృథ్వీ, నిఖిల్, యష్మీ, ప్రేరణ మధ్య సాగిన ఇష్యూ గురించి పెద్ద చర్చే జరిగినట్టుగా ఉంది. మరోవైపు ఎంటర్‌టైన్మెంట్ పరంగా విష్ణుప్రియ జీరో అని..‌కనీసం ఎంకరేజ్ మెంట్ కూడా లేదంటూ రోహిణి బాధపడింది. ఇక అవినాష్, టేస్టీ తేజని టార్గెట్ చేసి కన్నడ బ్యాచ్ ఆట నుండి తీసేసారు. కన్నడ బ్యాచ్ ఖాతాలో నబీల్ కూడా బలి అయ్యాడు.‌ మరి వీళ్లు ఆడే గ్రూప్ గేమ్ ని వీకెండ్ లో నాగార్జున అడుగుతాడో లేదో చూడాలి. ఇప్పటికైతే నామినేషన్ లో ఉన్నవారిలో నయని పావని, టేస్టీ తేజ, హరితేజ డేంజర్ జోన్ లో ఉన్నారు. మరి ఈ వీకెండ్ ఎవరు ఎలిమినేషన్ అవుతారో కామెంట్ చేయండి.