సుమ అడ్డా నెక్స్ట్ వీక్ ప్రోమో రిలీజ్ అయ్యింది. ఈ షోకి పొట్టెల్ మూవీ టీమ్ వచ్చింది. ఇందులో నోయెల్, రియాజ్, అనన్య, చందు కృష్ణ వచ్చారు. సుమ సరదాగా గేమ్స్ అవీ ఆడించింది. రియాజ్ అనన్యకు అన్నయ్యగా నటించాడు. ఐతే హీరో చందు కృష్ణ కంటికి రియాజ్ కనిపించడు. అనన్య తన పెళ్లి విషయం గురించి మాట్లాడడానికి తీసుకెళ్లి తన అన్నయ్య అని చూపిస్తే బెట్టు చేస్తూ కనిపించినట్టు నటిస్తూ మీ అన్నను పిలువు అనేసరికి "అమ్మో మీ అన్నయ్యతో మాట్లాడాలంటే భయమేస్తుంది" అన్నాడు హీరో.

దాంతో బ్యాక్ గ్రౌండ్ వాయిస్ లో అన్నయ్య అన్నావంటే అనే సాంగ్ వస్తూ ఉంటుంది. దానికి రియాజ్ తన డైలాగ్ మర్చిపోయి నవ్వేసి అందరినీ నవ్వించేసాడు. తన హైట్ మీద ఇన్డైరెక్ట్ కామెంట్స్ పడేసరికి "అయ్యో నేను చేయను. ఇందులోంచి  నన్ను ఎలిమినేట్ చేయండయ్యా" అంటూ కామెడీ చేసాడు. ఇక ఈ షోలో కుర్చీ వేసుకుని మరీ హైట్ గా  కనిపించిన రియాజ్ ని చూసిన సుమ " హే ఇంత ఎత్తుకు ఎప్పుడు ఎదిగావు" అని అడిగింది. "ఎలాగో బయట ఎదగలేకపోయాయి.. అందుకే మీ షోలో ఎదుగుదామని వచ్చా అంతే కాదు అప్పుడప్పుడు చిన్నగా అవుతూ ఉంటా " అంటూ స్టూల్ మీద నిలబడిన రియాజ్ కిందకు దూకి అలా కనిపించి కామెడీ కౌంటర్ ఇచ్చాడు రియాజ్.