స్టార్ మా టీవీలో ప్రసారమవుతున్న సీరియల్ బ్రహ్మముడి. ఈ సీరియల్ సోమవారం నాటి ఎపిసోడ్-108 లో.. రాహుల్ వెన్నెలల ఎంగేజ్ మెంట్ కోసం అన్ని ఏర్పాట్లు చేస్తుంటారు. అదే సమయంలో శృతిని కలవడానికి కావ్య వెళ్ళడానికి రాజ్ ని తన ఫోన్ అడుగుతుంది. రాజ్ ని రమ్మని పిలిస్తే రానని, కావ్యకి తన ఫోన్ ఇచ్చి పంపిచేస్తాడు‌. అయితే కావ్య అలా బయటకు వెళ్తడటం బిల్డింగ్ పై నుండి గమనిస్తాడు రాహుల్. వెంటనే తన రౌడీలకు కావ్య ఎక్కడికి వెళ్తుంది.. ఎవరిని కలుస్తుంది అన్నీ తెలుసుకుని తనని ఫాలో అవమని చెప్తాడు.

అలా రాహుల్ ఫోన్ మాట్లాడుతుండగా రాజ్ వస్తాడు. రాహుల్ ని పిలుస్తున్నారని చెప్పి తీసుకెళ్తాడు. మరోవైపు కనకం-కృష్ణమూర్తిల కూతురు స్వప్నకి ఎంగేజ్ మెంట్ కి వచ్చిన ఇరుగుపొరుగు వారు.. స్వప్న లేచిపోయింది.. మళ్ళీ పెళ్ళి చేస్తున్నారు. ‌ ఆ అబ్బాయికి తెలుసో లేదో మరి అనుకుంటూ కనకంని సూటిపోటి మాటలతో అంటారు. అయితే కనకం వాళ్ళ అక్క మీనాక్షి వాళ్లకు గట్టిగా బుద్ది చెప్తుంది. దాంతో ఆ ఇరుగుపొరుగు వారు పారిపోతారు. మరోవైపు కావ్య అటోలో శృతి దగ్గరికి వెళ్తుంటుంది.

అలా ఆటోలో కావ్య వెళ్తూ దారిలో ఉన్న శృతిని కలుసుకుంటుంది. ఇద్దరు కలిసి మళ్ళీ బయల్దేరి వెళ్తుండగా వీళ్ళిద్దరిని ఫాలో అవుతున్న రాహుల్ మనషులు ఆటో ముందుకి వచ్చి కార్ ఆపుతారు. ఆ తర్వాత కత్తితో ఆటో డ్రైవర్ ని బెదిరించగా అతను పారిపోతాడు. ఇక కావ్య, శృతి ఇద్దరు అక్కడి నుండి పారిపోతుండగా రౌడీలు వెంబడించి వాళ్ళిద్దరిని పట్టుకొని కార్ లో తీసుకొని వెళ్తారు. మరోవైపు కనకం వాళ్ళింటికి వెళ్ళిన కళ్యాణ్.. కావ్య ఇచ్చిన లెటర్ ని అప్పుకి ఇస్తాడు.

స్వప్న ఎంగేజ్ మెంట్ తర్వాత ఆ లెటర్ ఇవ్వమని అప్పుతో కళ్యాణ్ చెప్పగా.. తను సరేనంటుంది. స్వప్న తన గదిలో ఉండి.. నా జీవితం ఇంతేనా.. గొప్పగా బతికలేనా అని అనుకుంటుంది. అయితే అదే సమయంలో కావ్య గురించి కనకం వాళ్ళింటికి వచ్చిన ఇరుగుపొరుగు వాళ్ళు మాట్లాడుకుంటారు. ఆ మాటలు విన్న స్వప్న.. వీళ్ళు కూడా దానిని పొగడటమేనా అని అనుకుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.