బిగ్ బాస్ సీజన్-8 లో ఎనిమిదో వారం వీకెండ్ ఎపిసోడ్ అదిరిపోయింది. డాన్స్ ల సందడి సండే రోజు ఉంటుంది లేదంటే ఫినాలే వీక్ ఉంటుంది. కానీ ఈ సారి స్పెషల్ గెస్ట్ ని తోసుకొచ్చాడు బిగ్ బాస్ మామ. అతనే హీరో సూర్య. సూర్య భాయ్ అంటూ బ్యాక్ గ్రౌండ్ సాంగ్ తో బిగ్ బాస్ స్టేజి పైకి వచ్చాడు సూర్య. తన కొత్త సినిమా 'కంగువా' ప్రమోషన్ కోసం వచ్చిన సూర్య.. హౌస్ మేట్స్ ని ఉత్తేజపరిచాడు.

సూర్య స్టేజ్ పైకి వచ్చి నాగార్జున తో ముచ్చటించాడు. కాసేపటికి ఆ మూవీ టీమ్ అంతా కూడా స్టేజ్ పైకి వస్తారు. ఇక మువీ ట్రైలర్ ని చూపించారు. ఆ తర్వాత హౌస్ మేట్స్ అందరు కూడా సూర్యకి సర్ ప్రైజ్ గా తన సినిమాలోని పాటలని  ఇద్దరు జంటగా డాన్స్ వేస్తూ ఎంటర్‌టైన్ చేశారు. నిఖిల్-యష్మీ, పృథ్వీ-విష్ణుప్రియ, ప్రేరణ-నబీల్, మెహబూబ్-నయని, తేజ-హరి తేజ. అవినాష్-రోహిణి. గౌతమ్-నయని లు తమ డ్యాన్స్ స్టెప్స్ తో సూర్యని సర్ ప్రైజ్ చేశారు. ఆ తర్వాత నాగార్జున హౌస్ మేట్స్ అందరిని పరిచయం చేశాడు. విష్ణుప్రియని పరిచయం చేస్తాడు. నిన్ను చూసి శృతి హసన్ లాగా ఉన్నావని సూర్య అంటున్నాడని నాగార్జున అనగానే.. విష్ణుప్రియ మురిసిపోయింది. నాకు తెలుసు ఇప్పుడు మీరు కన్ఫర్మేషన్ ఇచ్చారని విష్ణుప్రియ అంటుంది.

ఇక నయని,సూర్యకి పెద్ద ఫ్యాన్ అంట.. ముందు రోజే సూర్య వస్తున్నాడని తెలిసి ఎమోషనల్ అయిందట. ఆ విషయం సూర్యకి హరితేజ చెప్తుంది. అయితే నీకు ఒక ఆఫర్ నయని.. ఒక అయిదు నిమిషాలు నువ్వు ఇక్కడికి వస్తే సూర్య తో ఉండొచ్చు.. మళ్ళీ హౌస్ లోకి వెళ్ళకూడదని నాగర్జున అనగానే దానికి నయని ఒప్పుకుంటుంది. చూసావా సూర్య నీకు తెలుగులో ఎంత మంది ఫ్యాన్స్ ఉన్నారోనని సూర్యతో నాగార్జున అంటాడు. ఇక హౌస్ మేట్స్ అంతా గ్రాంఢ్ గా ఆల్ ది బెస్ట్ చెప్తారు.