యంగ్ టైగర్ ఎన్టీఆర్(ntr)దేవర(devara)తో సిల్వర్ స్క్రీన్ పై తన కట్ అవుట్ కి ఉన్న చరిష్మా ఏ పాటిదో మరోసారి నిరూపించాడు. ప్రెజంట్ ఐదువందల ఇరవై ఐదు కోట్ల గ్రాస్ కలెక్షన్స్ ని రాబట్టిన దేవర చాలా ఏరియాల్లో ఇప్పటికీ మంచి కలెక్షన్స్ ని రాబడుతు ఉంది.త్వరలోనే యాభై రోజుల వేడుకల్ని కూడా  జరుపుకోనుంది. దీంతో  దేవర పార్ట్ 2 పై అందరిలో  అంచనాలు రెట్టింపు అయ్యాయి.

ఇక ఎన్టీఆర్ నుంచి దేవర పార్ట్ 2 కంటే ముందే థియేటర్స్ లో అడుగుపెట్టే మూవీ వార్ 2(war 2).2019 లో వచ్చిన వార్ మూవీకి సీక్వెల్ గా వార్ 2 తెరకెక్కుతుండగా, బాలీవుడ్ అగ్ర కథానాయకుడు హృతిక్ రోషన్(hrithik roshan)తో కలిసి ఎన్టీఆర్ సిల్వర్ స్క్రీన్ షేర్ చేసుకుంటున్నాడు.ఇండియన్ సిల్వర్ స్క్రీన్ వద్ద చాలా రోజుల తర్వాత తెరకెక్కుతున్న భారీ మల్టి స్టారర్ కూడా  వార్ 2 నే.ప్రస్తుతం జరుగుతున్నషెడ్యూల్ లో ఎన్టీఆర్, హృతిక్ లపై కథకి సంబంధించిన కొన్ని కీలక సన్నివేశాలని చిత్రీకరిస్తున్నారు.నెక్స్ట్ వీక్ నుంచి ఒక స్పెషల్ సాంగ్ ని  షూట్ చెయ్యబోతున్నారనే వార్తలు వస్తున్నాయి.అందుకోసం ఒక  భారీ సెట్ ను కూడా వేస్తున్నట్లుగా తెలుస్తోంది.కాకపోతే ఇప్పుడు ఈ సాంగ్ ఎవరిపై తెరకెక్కుతుందో  అనే విషయంలో మాత్రం క్లారిటీ లేదు.అయితే ఎన్టీఆర్ కి ఉన్న మాస్ ఇమేజ్ దృష్ట్యా ఆ సాంగ్ ఎన్టీఆర్ మీద చిత్రీకరిస్తున్నారనే మాటలు కూడా వినిపిస్తున్నాయి.ఒకవేళ. ఎన్టీఆర్, హృతిక్ ల మీద చిత్రీకరించినా కూడా ఆ  ఇద్దరూ వేసే స్టెప్ లకి థియేటర్స్ దద్దరిల్లడం ఖాయం.

పక్కా యాక్షన్ ఫిల్మ్ గా తెరకెక్కుతున్న వార్ 2 ని  ఆదిత్య చోప్రా(adithya chopra)అత్యంత భారీ వ్యయంతో నిర్మిస్తుండగా అయాన్ ముఖర్జీ(ayan mukherjee)దర్శకుడుగా వ్యవరిస్తున్నాడు. కియారా అద్వానీ, జాన్ అబ్రహం ముఖ్య పాత్రలో కనిపిస్తున్నారు.ఒక సరికొత్త ఎన్టీఆర్ ని వార్ 2 లో చూడబోతున్నారనే విషయాన్నీ మేకర్స్ గతంలో చెప్పిన దృష్ట్యా అభిమానుల్లో వార్ 2 పై భారీ అంచనాలే ఉన్నాయి. పైగా ఎన్టీఆర్ చేస్తున్న ఫస్ట్ బాలీవుడ్ మూవీ కావడంతో ఎప్పుడెప్పుడు వార్ 2  రిలీజ్ అవుతుందా అని ఆశగా ఎదురుచూస్తున్నారు. 2025 అగస్ట్ 14 న వరల్డ్ వైడ్ గా వార్ 2  విడుదల కానుంది.