నటసింహం నందమూరి బాలకృష్ణ, డైరెక్టర్ గోపీచంద్ మలినేని కాంబినేషన్‌లో తెరకెక్కుతున్న 'NBK 111' చిత్రం టాలీవుడ్‌లో సరికొత్త సంచలనాలు సృష్టిస్తోంది. ఈ క్రేజీ ప్రాజెక్ట్‌కు సంబంధించి రోజుకో ఆసక్తికరమైన వార్త బయటకు వస్తూ సినిమాపై అంచనాలను రెట్టింపు చేస్తోంది. తాజాగా ఈ మూవీ సెట్స్ నుండి ఒక అదిరిపోయే లగ్జరీ కార్ అప్‌డేట్ సోషల్ మీడియాను షేక్ చేస్తోంది. 

ఈ సినిమాలో బాలయ్య క్యారెక్టరైజేషన్ ఎంత పవర్‌ఫుల్‌గా ఉండబోతోందో, ఆయన ఉపయోగించే వాహనాలు కూడా అంతే రాయల్‌గా ఉండాలని దర్శకుడు గోపీచంద్ మలినేని ప్లాన్ చేశారు. అందుకోసం విదేశాల నుండి ఒక ప్రత్యేకమైన, వింటేజ్ లుక్ కలిగిన లగ్జరీ కార్‌ను ప్రత్యేకంగా డిజైన్ చేయించి ఇండియాకు తెప్పించారు. ఈ కారుకు సంబంధించిన విజువల్స్ నెట్టింట వైరల్ కావడంతో నందమూరి అభిమానులు ఫుల్ ఖుషీ అవుతున్నారు.

ఈ ప్రత్యేకమైన లగ్జరీ కారును ఒక పెద్ద కంటైనర్ ట్రక్కు ద్వారా అత్యంత భద్రంగా షూటింగ్ స్పాట్‌కు తరలించారు. జెనెక్స్ (XENEX) సంస్థ ఈ భారీ ప్రాజెక్ట్‌లో భాగస్వామిగా ఉంటూ, ఈ ప్రతిష్టాత్మక వాహన రవాణా, డిజైన్ పనులను పర్యవేక్షించడం విశేషం. బ్లాక్ కలర్ ఫినిషింగ్‌తో, వింటేజ్ క్లాసిక్ లుక్‌లో మెరిసిపోతున్న ఈ లగ్జరీ కార్ చూస్తే ఎవరికైనా మతిపోవాల్సిందే. సినిమాలో బాలయ్య మార్క్ మాస్ యాక్షన్‌కు, ఈ రాయల్ వెహికల్ తోడైతే థియేటర్లలో పూనకాలు రావడం ఖాయమని ఇండస్ట్రీ వర్గాలు అంటున్నాయి. 

ప్రస్తుతం ఈ లగ్జరీ కార్ కాకినాడ పోర్ట్ లో జరుగుతున్న మూవీ షూటింగ్ షెడ్యూల్ కోసం నేరుగా చేరుకుంది. అక్కడ బాలకృష్ణపై తీయబోయే కీలకమైన యాక్షన్ సీన్లలో ఈ కారును ఉపయోగించబోతున్నట్లు సమాచారం.

ఈ సినిమా కథాంశం మొత్తం స్మగ్లింగ్, మాఫియా, పోర్ట్ బ్యాక్‌డ్రాప్‌లో నడుస్తుందని ఇప్పటికే టాక్ నడుస్తోంది. అందుకు తగ్గట్టుగానే వైజాగ్, కాకినాడ పోర్ట్ పరిసర ప్రాంతాల్లో భారీ సెట్లు వేసి హై-వోల్టేజ్ యాక్షన్ సీక్వెన్సులను ప్లాన్ చేశారు. ఈ క్రమంలోనే బాలయ్య రేంజ్‌కు తగినట్లుగా ఉండే ఒక వింటేజ్ రాయల్ కార్ కావాలని చిత్ర యూనిట్ విదేశీ మార్కెట్ నుండి దీనిని సేకరించింది. 

విదేశాల నుండి తెప్పించిన ఈ వింటేజ్ లగ్జరీ కార్ అప్‌డేట్ చూశాక, డైరెక్టర్ గోపీచంద్ మలినేని ఈ సినిమాను ఏ రేంజ్ విజువల్ గ్రాండియర్‌తో తెరకెక్కిస్తున్నారో స్పష్టమవుతోంది. కంటైనర్ లోంచి ఈ బ్లాక్ బ్యూటీ కార్ బయటకు వస్తున్న షార్ట్ వీడియో ఇప్పుడు సోషల్ మీడియాలో ట్రెండింగ్‌లో నిలిచింది.

NBK 111 Vintage Car, Nandamuri Balakrishna, Gopichand Malineni, NBK 111