మాస్ మహారాజా రవితేజ(Ravi Teja)చేసుకున్న పుణ్యమో,లేక మేకర్స్ చేసుకున్న పుణ్యమో గాని అభిమానులు, ప్రేక్షకుల్లో 'ఇరుముడి'(irumudi)పై ప్యూర్ పాజిటివ్ వైబ్రేషన్స్ ఉన్నాయి. రవితేజ అంటేనే హై వోల్టేజ్ మాస్, పవర్‌ఫుల్ యాక్షన్ సినిమాలకి కేరాఫ్ అడ్రస్. కానీ ఈసారి ఇరుముడితో సిల్వర్ స్క్రీన్ ని తన నుండి మరో కొత్త రకం బాడీ లాంగ్వేజ్ ని పరిచయం చేస్తున్నాడు. ఈ క్రేజీ ప్రాజెక్ట్‌ని  క్లాస్ అండ్ ఫ్యామిలీ ఎమోషన్స్ దర్శకుడు శివ నిర్వాణ(Siva Nirvana) సరికొత్త రస్టిక్ యాక్షన్ ఎమోషనల్ డ్రామాగా తెరకెక్కిస్తున్నాడు. తండ్రి కూతుళ్ల సెంటిమెంట్, అద్భుతమైన భక్తి భావన కలగలిపి ఉండబోతున్నాయి. ప్రెజెంట్ సోషల్ మీడియాలో 'ఇరుముడి' రిలీజ్ కి  సంబంధించిన  సెన్సేషనల్ అప్‌డేట్  వైరల్ అవుతోంది. 

రిలీజ్ ని ఈ ఏడాది  ఆగస్టు నెలలోనే ప్లాన్ చేస్తున్నట్లు ఇండస్ట్రీ వర్గాల నుంచి ఒక క్రేజీ వార్త బయటకు వచ్చింది. ఆగస్టు నెలలో ఉండే లాంగ్ వీకెండ్స్, పండుగ సెలవులని  పూర్తి స్థాయిలో క్యాష్ చేసుకునేలా మేకర్స్ ఈ రిలీజ్ విండోని  లాక్ చేయాలని గట్టిగా భావిస్తున్నారు. అందుకు అనుగుణంగా ప్రస్తుతం సినిమా పనులను చిత్ర యూనిట్ జెట్ స్పీడ్‌లో వేగవంతం చేసింది. శరవేగంగా సాగుతున్న ఈ మూవీ షూటింగ్ ప్రస్తుతం చివరి దశకు చేరుకుందని,నెల రోజుల షూటింగ్ మాత్రమే బ్యాలెన్స్ ఉందని తెలుస్తోంది.

 ఆ వెంటనే  పోస్ట్ ప్రొడక్షన్ పనులను కూడా వీలైనంత త్వరగా ముగించి ఆగస్టు బాక్సాఫీస్ బరిలో  నిలపాలనే  ఆలోచనలో మేకర్స్ ఉన్నట్టుగా సినీ సర్కిల్స్ లో న్యూస్ చక్కర్లు కొడుతుంది. ఇటీవలి కాలంలో రవితేజ నటించిన పలు సినిమాలు బాక్సాఫీస్ వద్ద ఆశించిన స్థాయిలో కమర్షియల్ విజయాన్ని అందుకోలేకపోయాయి. దీంతో ఈ సరికొత్త కాన్సెప్ట్ ఓరియెంటెడ్ 'ఇరుముడి'తో మళ్లీ బాక్సాఫీస్ వద్ద సాలిడ్ బ్లాక్‌బస్టర్ హిట్ అందుకోవడం ఖాయమని,ఆ టైంలో ఇరుముడికి ఎవరు అడ్డు రాకవడమే మంచిదని ట్రేడ్ వర్గాలు చెప్తున్నాయి.

Also read: kajal aggarwal: వైరల్ గా మారిన కాజల్ పిక్స్.. అసలు పెళ్లి అయ్యిందా! 

 రవితేజ సరసన అందాల నటి ప్రియా భవాని శంకర్ హీరోయిన్‌గా చేస్తుండగా అగ్ర నిర్మాణ సంస్థ  'మైత్రీ మూవీ మేకర్స్' ఖర్చు విషయంలో వెనుకాడకుండా అత్యంత ప్రతిష్టాత్మకంగా, హై టెక్నికల్ వాల్యూస్‌తో నిర్మిస్తున్నారు. ప్రముఖ సంగీత దర్శకుడు జి.వి. ప్రకాష్ కుమార్ ఈ చిత్రానికి ప్రాణం పోసేలా అద్భుతమైన మ్యూజిక్, బ్యాక్‌గ్రౌండ్ స్కోర్‌ అందిస్తున్నాడు. ప్రమోషన్స్ కూడా త్వరలోనే భారీ ఎత్తున ప్రారంభం కానున్నట్టుగా తెలుస్తుంది.