కాలీఫ్లవర్ టమాటా పాలకూర కర్రీ

కావలసిన పదార్ధాలు:

కాలీఫ్లవర్ మొగ్గలు                                              - 1 కప్పు 
టమాటా                                                             - 1/2 కప్పు 
పాలకూర కట్టలు                                                - 2 
ఉల్లి ముక్కలు                                                    - 1/4 కప్పు 
పచ్చిమిరపముక్కలు                                         - 4 
ఆమ్ చూర్                                                         - 1/4 చెంచా
ధనియాల పొడి                                                  - 1/4 చెంచా
గరం మసాలా                                                     - 1/4 చెంచా
కారం                                                                  - 1/4 చెంచా
జీలకర్ర                                                               - కొద్దిగా 
పసుపు                                                                - కొద్దిగా 
ఉప్పు                                                                  - తగినంత
నూనె                                                                  - వేయించడానికి సరిపడినంత

తయారీ విధానం:​
* కాలీఫ్లవర్ మొగ్గలుగా తరుగుకొని కొద్ది పాలు కలిపిననీళ్ళలో ఉడికించి... వడగట్టి ప్రక్కన పెట్టుకోవాలి. అలా చేస్తే మొగ్గలు తెల్లగా ఉంటాయి. 
* బాణలిలో నూనె వేసి వేడి చేసి కాస్త దంచిన వెల్లుల్లి జీలకర్ర వేయించి ఒక్కొక్కటిగా ఉల్లి ముక్కలు, పచ్చి మిర్చి, టమాటా వేసి వేయించుకోవాలి. 
* ఈ ముక్కలు దోరగావేగుతున్నప్పుడు ఉప్పు, కారం, గరంమసాల, ఆమ్ చూర్ పొడి వేసి కాలీఫ్లవర్ మొగ్గలు వేసి బాగా కలిపి సన్నగా తరిగిన పాలకూర ఆకులు వేసి మూతపెట్టి 10 నిమిషాలు ఉడికించి దింపుకోవాలి. 
* ఒళ్ళు తగ్గాలనే వారికి ఈ కూర చాలా మంచిది. ఆలుగడ్డ ఉండదు. 
* పిల్లలకు లంచ్ బాక్స్ లో ఇచ్చేవారు....  కాలీఫ్లవర్ తో పాటు ఆల్లుగడ్డ ఉడికించుకోవాలి. 
* ఈ కూర చూడడానికి తెలుపు, ఎరుపు, ఆకుపచ్చరంగులు కలిపి రుచితోపాటు కంటికి ఇంపుగా ఉంటుంది. 
* దీనిని చపాతీ పూరీలతో తింటే బాగుంటుంది. పొడి కూర కాబట్టి బ్రెడ్ మద్యలో పెట్టుకుని కూడా తినవచ్చు.. చాలా బావుంటుంది.