మొక్కజొన్న గారెలు

కావాల్సిన పదార్ధాలు:

నానబెట్టిన మొక్కజొన్నగింజలు - 2కప్పులు

ఎండుమిర్చి - 2

పచ్చిమిర్చి - 2

ఉప్పు - రుచికి సరిపడా

అల్లం - అర ఇంచు ముక్క

వెల్లుల్లి రెబ్బలు - 4

జీలకర్ర - అర టీస్పూన్

శనగపిండి - 1 టేబుల్ స్పూన్

బియ్యం పిండి - 1 టేబుల్ స్పూన్

కరివేపాకు - 1 రెమ్మ

కొత్తిమీర - 2 టేబుల్ స్పూన్స్

పుదీనా - 2 టేబుల్ స్పూన్స్

ఉల్లిపాయ ముక్కలు - అర కప్పు

ధనియాల పొడి - అర టీస్పూన్

గరం మసాలా - పావు టీ స్పూన్

చాట్ మసాలా - పావు టీ  స్పూన్

పసుపు - కొద్దిగా

నూనె - డీప్ ఫ్రై కోసం

తయారీ విధానం:

- ముందు నానబెట్టిన మొక్కజొన్న గింజలను వడకట్టుకుని మిక్సీ పట్టుకోవాలి.

- ఇందులో ఎండుమిర్చి, పచ్చిమిర్చి, ఉప్పు, అల్లం, వెల్లుల్లి రెబ్బలు, జీలకర్ర వేసుకుని మెత్తగా గ్రైండ్ చేసుకోవాలి. అవసరమైతే కొద్దిగా నీళ్లు కూడా చల్లుకోవచ్చు. అన్నింటికీ ఉప్పు పట్టేలా ఒక 5 నిమిషాల పాటు పక్కన పెట్టుకోవాలి.

- తర్వాత ఇందులో నూనె తప్ప మిగిలిన పదార్థాలన్నింటిని వేసుకుని కలుపుకోవాలి.

- కళాయిలో నూనె పోసి వేడిచేసుకోవాలి.

- నూనె బాగా వేడయ్యాక కొద్దికొద్దిగా పిండి తీసుకొని గారేలులాగా చేతి పైన ఒత్తుకొని, నూనెలో వేసి లేత బంగారు రంగు వచ్చేంత వరకు వేయించుకొని పక్కకు తీసుకోవాలి. ఇలా చేస్తే ఎంతో రుచికరమైన క్రిస్పీగా ఉండే మొక్కజొన్న గారెలు రెడీ.

- గారెలు మరీ మందంగా మరీ పలుచగా కాకుండా వత్తుకోవాలి.

నోట్: 1. మొక్క జొన్న మరి ముదురు గా ఉన్నది కాకుండా లేతది తీసుకుంటే గారెలు మెత్తగా చాలా రుచిగా వస్తాయి.

2. పిండి పట్టేటప్పుడు మరి మెత్తగా కాకుండా కొద్దిగా బరకగా పట్టుకుంటేనే తినేప్పుడు మొక్క జొన్న రుచి నోటికి తగులుతుంది.