పులులు, సింహాలే డిజైనర్లు.. లేటెస్ట్ ఫ్యాషన్

మార్కెట్లోకి రోజుకో ప్యాషన్ ఐటమ్ వస్తుంది. డిజైనర్లు కూడా ఎంతో ఇన్నోవేటివ్ గా ఆలోచించి.. వారి మెదడుకు పదునుపెట్టి ఎన్నో మోడల్స్ తయారు చేస్తున్నరు. అయితే ఇప్పుడు పులులు, సింహాలు కూడా మంచి డిజైనర్లుగా మారిపోయాయి. ఏంటీ ఆశ్చర్యపోతున్నారా.. వినడానికి విచిత్రంగా ఉన్నా పులులు కూడా మండి డిజైనర్లు అయ్యాయి. అసలు సంగతేంటంటే.. మనకు టోర్న్ జీన్స్ తెలుసు.. ఎంత చిరిగితే అంత ఫ్యాషన్.. ఇప్పుడు లేటెస్ట్ ఫ్యాషన్ కూడా అవే. ఈనేపథ్యంలోనే డిజైనర్లు కొంచం వెరైటీగా ఆలోచించారు.  ముందుగా తయారు చేసిన జీన్స్ ను జూలో పులులు ఆడుకునే ఫుట్ బాల్, టైర్ వంటి వాటికి చుట్టి పులులు, సింహాలు తిరిగే బోనుల్లో వదిలేస్తారు. వీటితో ఆడుకునే పులులు అక్కడక్కడ పంటిగాట్లు, గోరు గాట్లతో ఈ జీన్స్ కు చిల్లులు పెడతాయి. వాటిని తీసుకుని మరమ్మతులు చేసి, ఆ పులులు చేసిన గాట్లు, గీకుల్లు తొడభాగంలో వచ్చేలా కుడతారు. వీటిని జూజీన్స్ బ్రాండ్ గా షాపింగ్ మాల్స్ లో విక్రయిస్తున్నారు. వీటికి జపాన్ లో మంచి ఆదరణ ఉందని ఈ బ్రాండ్ యజమానులు తెలిపారు. ఆఖరికి పులులను కూడా వదల్లేదు ఫ్యాషన్లో.. ఇంకా ఏ జంతువులను వాడతారో చూద్దాం..