వరంగల్ ఉపఎన్నిక.. వివేక్ లేదా సర్వేకు టికెట్

వరంగల్ ఉపఎన్నికకు పోటీ చేసేందుకుగాను అభ్యర్ధుల ఎంపిక విషయంలో కాంగ్రెస్ పార్టీ కసరత్తు చేస్తుంది. దీనిలో భాగంగానే టీ పీసీసీ ఉత్తమ్ కుమార్ రెడ్డి ఢిల్లీ వెళ్లి హైకమాండ్ తో చర్చలు జరిపారు. వరంగల్ ఉపఎన్నిక గురించి రాహుల్ ఉత్తమ్ తో భేటీ అయి.. ఈ ఎన్నికకు అభ్యర్ధులుగా వివేక్ ను, సర్వే నారాయణను ఎంపిక చేసినట్టు తెలుస్తోంది. అయితే కాంగ్రెస్ పార్టీ మాత్రం పోటీలో నిలబడాలని వివేక్ పై ఒత్తిడి చేస్తున్నప్పటికీ.. ఒకవేళ వివేక్ కనుక ఒప్పుకోకపోతే సర్వే నారాయణను బరిలో దింపాలని చూస్తోంది. మరోవైపు ఇప్పటికే టీడీపీ, బీజేపీల మధ్య సమన్వయం కుదిరింది. ఎన్నిక బరిలో దిగేందుకు టీడీపీ, బీజేపీకే అవకాశం ఇచ్చినట్టు తెలుస్తోంది. ఇంక టీఆర్ఎస్ పార్టీ నుండి ఎవరు బరిలో దిగుతారనేది కేసీఆర్ ఢిల్లీ నుండి వచ్చిన తరువాతనే తెలుస్తోంది.