తెలంగాణ ఎమ్మెల్సీ ఫలితాలు

తెలంగాణ రాష్ట్రంలో శాసనసభ్యుల కోటా కింద ఆరు ఎమ్మెల్సీ స్థానాలకు జరిగిన ఎన్నికల ఓట్ల లెక్కింపు జరిగింది. ఫలితాలు వెలువడ్డాయి. టీఆర్ఎస్ తరఫున పోటీ చేసిన ఐదుగురు అభ్యర్థులు విజయం సాధించారు. ఆరో స్థానంలో కాంగ్రెస్ అభ్యర్థి గెలుపొందారు. తెలంగాణ అసెంబ్లీలో నామినేటెడ్ సభ్యుడితో కలపి 120 మంది ఎమ్మెల్యేలు వుండగా, 118 మంది శాసనసభ్యులు తమ ఓటు హక్కు వినియోగించుకున్నారు. ఇద్దరు వామపక్ష సభ్యులు ఓటింగ్‌కి హాజరు కాలేదు. పోలైన ఓట్లలో 5 ఓట్లు చెల్లలేదు. ఒక ఎమ్మెల్యే నోటా హక్కును వినియోగించుకున్నాడు. విజయం సాధించిన టీఆర్ఎస్ సభ్యులు... 1. కడియం శ్రీహరి, 2. తుమ్మల నాగేశ్వరరావు, 3. నేతి విద్యాసాగర్ రావు, 4. యాదవ్ రెడ్డి, 5. బి.వెంకటేశ్వర్లు, కాంగ్రెస్ అభ్యర్థి ఆకుల లలిత.