కోర్టులపై పారికర్ సంచలన వ్యాఖ్యలు.. అర్థరహిత ఆదేశాలు..

కేంద్ర రక్షణ శాఖ మంత్రి మనోహర్ పారికర్ కోర్టులపై సంచలన వ్యాఖ్యలు చేశారు. డీజిల్ వాహనాలు రద్దు చేయాలంటూ ఇటీవల ఢిల్లీ కోర్టు ఆదేశాలు జారీ చేసిన సంగతి తెలిసిందే. దీనిపై స్పందించిన పారికర్.. కోర్టుల ఆదేశాలు అర్థరహితమంటూ వ్యాఖ్యానించారు. శాస్త్రీయ ఆధారాలు లేకుండానే అర్థరహిత ఆదేశాలు ఇస్తున్నారు అని అన్నారు. అంతేకాదు ఈ సందర్బంగా ఆయన ఒక విషయాన్ని తెలియజేశారు. ‘‘ఇటీవలే మెర్సిడెజ్ బెంజ్ కంపెనీకి చెందిన ఓ నివేదిక చదివాను. కోర్టు తీసుకున్న నిర్ణయాలు తమకు అర్థం కావట్లేదంటూ వారు భారత దేశంలో పెట్టుబడులు పెట్టడాన్ని నిలిపేశారు. డీజిల్ వాహనాల నిషేధం వెనుక ఉన్న తర్కాన్ని తాము అర్థం చేసుకోలేకపోతున్నామని ఆ కంపెనీ ప్రతినిధులు తెలిపారు అని చెప్పారు. కోర్టులు తీసుకునే ఇలాంటి నిర్ణయాలు వల్ల దేశానికే నష్టమని.. పెట్టుబడులు పెట్టడానికి ఎవరూ ముందుకు రారని అన్నారు.