అగ్రిగోల్డ్ పై హైకోర్ట్ ఫైర్.. 15 రోజుల్లో స్టార్ట్ చేయాలి..

అగ్రిగోల్డ్ కుంభకోణంపై ప్రస్తుతం హైకోర్టులో విచారణ జరుగుతున్న సంగతి తెలిసిందే. ఈ సందర్బంగా హైకోర్టు ఏపీ ప్రభుత్వంపై ఆగ్రహం వ్యక్తం చేసినట్టు తెలుస్తోంది. అగ్రిగోల్డ్ వల్ల ఎంతో మంది నష్టపోయారని.. లక్షలాది మంది బాధితులకు సంబంధించిన ఈవిషయంలో ఏపీ సర్కారు ఏం చేస్తుంది అంటూ తీవ్రంగా ఆగ్రహం వ్యక్తం చేసింది. అంతేకాదు.. ఈ కేసు విచారణాధికారిని తక్షణమే మార్చాలంటూ ఆదేశాలు జారీ చేసింది. మరోవైపు సీఐడీ పై కూడా కోర్టు ఆగ్రహం వ్యక్తం చేసినట్టు తెలుస్తోంది. ఈ కేసుకు సంబంధించి సీఐడీ ఇప్పటివరకూ ఎంతమందిని ప్రశ్నించింది? ఎంతమందిని అదుపులోకి తీసుకున్నారు.. రెండు నెలలుగా ఎవరనీ ఎందుకు అరెస్ట్ చేయలేదంటూ ప్రశ్నల మీద ప్రశ్నలు కురిపించింది. అగ్రిగోల్డ్ ఆస్తుల వేలాన్ని 15 రోజుల్లో స్టార్ట్ చేయాలని ఆదేశించింది.