బాలనటుడు తేజ మృతదేహం లభ్యం

గంగానదిలో గల్లంతైన బాల నటుడు తేజ మృతదేహం లభ్యమైంది. ఉత్తరఖండ్‌లోని రిషికేష్ సాయిఘాట్ దగ్గర తేజ మృతదేహం తేలింది. తేజ పంజాబ్‌ రాష్ట్రం అమృత్‌సర్‌లో ఉన్న మిరిపిరి అకాడమీలో ఇంటర్‌ మొదటి సంవత్సరం చదువుతున్నాడు. ఈ నెల 5న కళాశాలకు చెందిన 25 మంది సభ్యుల బృందంలో రుషికేష్‌ వెళ్లిన తేజ గంగానదిలో దిగి గల్లంతయ్యాడు. గాలింపు చేపట్టిన పోలీసులు సాయిఘాట్ వద్ద తేజ మృతదేహాన్ని గుర్తించారు. శవపరీక్ష అనంతరం రేపు తేజ మృతదేహాన్ని హైదరాబాద్‌కు తీసుకురానున్నారు. తేజ బాలనటుడిగా మురారి, కథానాయకుడు, రామదండు తదితర చిత్రాల్లో నటించాడు. తేజ మరణం పట్ల పలువురు తెలుగు సినీ ప్రముఖులు సంతాపం వ్యక్తం చేసారు.